Jean Marcillac

Realizacions

Plataforma patrimoniala

Sit de l'Institut occitan de l'Avairon

2025 · Estagi de BUT informatica · Realizat sol, una annada de desvolopament

La plataforma dobrís al public trenta ans de collectatge occitan : mai de 5 000 vidèos, 29 000 fonts e 4 500 informators, espandits sus 310 comunas avaironesas. Cada comuna i tròba son istòria, sos paisatges e la votz de sos abitants. Ne fau totjorn la mantenença e las evolucions.

• Blazor Server Front-end dinamic e reactiu, escrich en C#.
• Java Lenguatge de l'API desvolopada amb Spring Boot.
• Spring Boot API del projècte : operacions CRUD sus MongoDB e escambis amb Google Drive.
• MongoDB Basa NoSQL qu'emmagazina las donadas en documents JSON.
• Google Drive API Emmagazinatge e recuperacion securizats dels imatges del projècte.

Veire lo sit

Aisina de mestièr

Pilotatge de las fasas de chantièrs

2026 · Alternància a Enedis

Los chantièrs de l'agéncia engenhariá d'Enedis Auvèrnhe s'espandisson sus mantuna annada. L'aisina amassa lors fasas sus de diagramas de Gantt e de grafics de carga, per planificar los trabalhs de longa durada e repartir la carga entre prestataris e encargats de projècte. Las donadas afichadas aicí son anonimizadas.

• Python Tractament de las donadas de chantièrs e calcul dels plannings.
• Streamlit Interfàcia de l'aisina : filtres, diagramas de Gantt e grafics de carga.
• MinIO Emmagazinatge objècte de las donadas salvadas per l'aplicacion.

Infrastructura distribuida

Myriade

2025 e 2026 · Projècte associatiu · Realizat sol

Myriade fa dialogar de servidors Minecraft dins los dos senses, quitament quand vivon darrièr de proxys independents los unes dels autres. Un sistèma de portals transferís los jogaires d'un servidor a l'autre en s'apiejant sus aquela comunicacion instantanèa. Mai d'una detzena de servidors autonòms son ja ligats, e mantun es el meteis una ret, per formar un univèrs unic que se percor a pè.

• Redis Còr del projècte : comunicacion entre servidors via Pub/Sub e donadas temporàrias dels transferiments.
• Java Lenguatge dels plugins Minecraft que pòrtan la comunicacion e los portals.
• Paper MC API Minecraft utilizada per desvolopar los plugins servidor.
• Kotlin Servicis back-end, per una sintaxi concisa e mantenabla.
• Spring Boot APIs REST que securizan los escambis entre servidors e basa de donadas.
• MongoDB Servidors, coordenadas dels portals e identificants dels utilizaires.
• Blazor Server Panèl web d'administracion de las rets de servidors.

DevOps e seguretat

Environament de desvolopament securizat per l'Institut occitan de l'Avairon

2024 · Estagi de BUT informatica · Realizat sol

Administracion d'un VPS jol sistèma Debian per l'institut : securizacion (parafuòc, SSH) e mesa en plaça d'una cadena CI/CD completa. Drone CI orquèstra l'integracion contunha, SonarQube analisa la qualitat del còde e una registry privada garda los imatges Docker. Totes los projèctes de desvolopament de l'institut passan ara per aquela cadena, amb un ganh net de temps e de fisabilitat.

• Drone CI Integracion contunha : tèsts e desplegaments automatizats dels projèctes albergats.
• SonarQube Analisi estatica del còde : qualitat, seguretat e mantenabilitat.
• Docker Compose Orquestracion dels servicis e de las rets Docker.
• Docker Registry Emmagazinatge privat dels imatges Docker, per un desplegament contrarotlat.
• Debian Sistèma del VPS : parafuòc, endurciment SSH e gestion dels acceses.

Autres projèctes

Tablèu de bòrd2026Alternància a Enedis

Radar, seguit de las afars

Tablèu de bòrd del seguit de las afars, jalon per jalon, per l'engenhariá e las basas operacionalas.

Ne saber mai

Radar sèc l'avançada de las afars jalon per jalon, per l'agéncia engenhariá coma per las basas operacionalas. Cada etapa es chifrada e filtrabla, çò que permet de veire ont los dorsièrs s'amontetan e de fluidificar lor desenrotlament fins a la realizacion.

• Power BI Modelizacion de las donadas e tablèu de bòrd distribuit a las equipas.

Intelligéncia artificiala2025TP notat de BUT informatica

GenSense IA

Deteccion del genre e reconeissença de personas sus imatge, amb segmentacion dels visatges e panèl web.

Ne saber mai

Doas intelligéncias artificialas : la primièra devina lo genre d'una persona a partir d'un imatge, la segonda reconeis de personas de ma promocion de BUT. Una IA de segmentacion dels visatges prepara lo trabalh de las doas autras, e un panèl web permet d'interagir dirèctament amb lo sistèma. La classificacion per genre arriba a 99 % suls òmes e 95 % sus las femnas, la reconeissença de personas a l'entorn de 85 %.

• Python 3 Desvolopament dels modèls d'IA e tractament dels imatges.
• Flask API web que fa lo ligam entre las IA e lo panèl.
• YOLO Deteccion e segmentacion dels visatges, rapidas e precisas.
• Blazor Server Panèl web interactiu, en comunicacion en temps real amb lo servidor.
• Docker Contenerizacion del projècte, per un desplegament estable e reproductible.

Còde font

Sit vitrina2025Projècte associatiu

Sit de l'Aliança d'Elendil

Vitrina d'una ret de servidors de jòc, alimentada en dirècte per l'API del jòc.

Ne saber mai

Los jogaires de lenga francesa que cèrcan un servidor tomban sovent sus de vitrinas confusas. Aquesta presenta clarament los servidors de jòc e los concèptes de l'Aliança, amb d'informacions recuperadas en dirècte dempuèi l'API del jòc. Lo projècte es a venir una referéncia dins la comunautat.

• Blazor Server Desvolopament del sit, amb la bibliotèca de components MudBlazor.
• Nginx Reverse proxy que redirigís las requèstas cap al bon contenidor.
• Let's Encrypt Certificats SSL e comunicacions en HTTPS.
• Docker Contenerizacion del projècte, per un desplegament estable e reproductible.

Veire lo sit

Aisina comunautària2024Projècte associatiu

Jogaires Inspector

Repertòri partejat dels comportaments de jogaires, utilizat per una detzena d'administrators de servidors.

Ne saber mai

Los administrators de servidors Minecraft i repertorian los comportaments dels jogaires : bandiment, avertiment, informacion o recomandacion. Cadun consulta las nòtas dels autres, çò que facilita la gestion entre servidors. L'aisina es utilizada per una detzena d'administrators e recensa mantun milierat de jogaires.

• Kotlin Back-end del projècte, per un còde concís e performant.
• Spring Boot API qu'expausa d'endpoints securizats per crear e consultar los senhalaments.
• MongoDB Emmagazinatge dels senhalaments en documents JSON.
• Blazor Server Interfàcia de consultacion e d'apondon, en temps real.
• Docker Contenerizacion del projècte, per un desplegament estable e reproductible.

Aplicacion pedagogica2024SAE de tresena annada de BUT informatica

Virtogen

Simulacion de genetica de las populacions de drosofilas, pels TP de biologia.

Ne saber mai

Concebut amb d'ensenhaires de l'UFR de biologia de Clarmont-Ferrand, Virtogen simula l'evolucion de las caracteristicas geneticas dins de populacions de drosofilas. Los estudiants manipulan una taula d'experiéncia, apondon de flascons de populacions amb de fenotips causits, puèi espian las generacions e tèstan las interaccions geneticas.

• Vue.js Interfàcia de manipulacion dels flascons e d'observacion de las populacions en temps real.
• Symfony Back-end de las donadas e de las règlas de mestièr, expausat en API REST.
• Doctrine & MySQL Fenotips, configuracions de simulacion e evolucion de las generacions.
• Docker Contenerizacion del projècte, per un desplegament estable e reproductible.

A prepaus

• 

  INSA Lyon

  Estudiant en engenhariá informatica

  Escòla d'engenhaires publica fondada en 1957, sul campus de la Doua a Villeurbanne, pròche de Lion. Aculhís mai de 6 000 estudiants.

• 

  Enedis

  En alternància, analisi de donadas e desvolopament web

  Filiala d'EDF que gerís la ret publica de distribucion d'electricitat sus 95 % de la França metropolitana, per mai de 37 milions de clients.

• 

  Institut occitan de l'Avairon

  Desvolopaire web e tresaurièr

  Associacion declarada en 2003, dedicada a la salvagarda, a la valorizacion e a la transmission del patrimòni occitan d'Avairon. Mena d'enquèstas de collectatge en occitan, l'Operacion País, e ne dobrís los archius al public.

• 

  Valorium

  Desvolopaire e president

  Associacion a l'entorn dels univèrses virtuals e de las comunautats en linha, qu'òbra a connectar los servidors Minecraft francofòns dins un meteis metavèrs.